इतिहास

अत्रि गोत्रीय ठाडाराई अधिकारीको उत्पत्ति स्थल कहाँ हो, कहाँ, कहाँ, कसरी फैलिन पुगे। ठाडाराई अधिकारी नाम कसरी रहन गयो । ठाडाराई अधिकारीको संख्या कहाँ कति कति छ भन्ने कुरा खोजी गर्न कोटीहवन सुरुङ्गा झापामा २०५० सालमा डम्बर बहादुर अधिकारीको नेतृत्वमा बंशावली खोजबिन समिति नामको संस्था दर्ता गरी २ वर्ष लगातार पुराण लगाई बंशावली संकलन कार्य शुरु गरियो ।
विविध कारणले यसलाई निरन्तरता दिन सकिएन । २०६७ साल फाल्गुण ८ गते पुनः ठाडाराई अधिकारी सेवा समाज नामक संस्था दर्ता गरी कोटीहवन सुरुङ्गा झापामा ठाडाराई अधिकारी कुञ्ज नामक आफ्नै भवन निर्माण गरी सो कार्यलाई निरन्तरता दिंदै आइएको छ । प्रत्येक वर्ष कोटीहवन सुरुङ्गा झापामा पुराण लगाई आपसी चिनजानलाई नविकरण गर्दै बंशावली संकलन कार्यलाई निरन्तरता दिइएको छ ।
बंशावली संकलन र कल्याणकारी कार्य गर्ने उद्देश्यको लागि काठमाडौंमा ठाडाराई अधिकारी राष्ट्रिय मञ्च नामको संस्था समेत गठन गरी तदारुकताको साथ कार्य भई रहेको छ । यस कार्यलाई सफलताको साथ पुरा गर्न सबै ठाडाराई अधिकारी बन्धु एवम् ठाडाराई अधिकारीले नियमानुसार दर्ता गरी स्थापना गरेका जुनसुकै नामका संस्था वा व्यक्तिको कर्तव्य रहेको छ ।

बंशावली संकलन र कल्याणकारी कार्य गर्ने उद्देश्यको लागि काठमाडौंमा ठाडाराई अधिकारी राष्ट्रिय मञ्च नामको संस्था समेत गठन गरी तदारुकताको साथ कार्य भई रहेको छ । यस कार्यलाई सफलताको साथ पुरा गर्न सबै ठाडाराई अधिकारी बन्धु एवम् ठाडाराई अधिकारीले नियमानुसार दर्ता गरी स्थापना गरेका जुनसुकै नामका संस्था वा व्यक्तिको कर्तव्य रहेको छ ।
यसैले हाल सम्म लम्जुङ्ग बाट धादिङ्ग, धादिङ्ग बाट रामेछाप हुँदै खोटाङ्ग र खोटाङ्ग बाट हंशराज र बंशराज मध्ये हंशराज चैनपुर संखुवासभामा आएर बसेकाको विवरण तयार गरी अन्य जिल्लाका सँग जोड्नु अति आवश्यक रहेको छ । उध्दव र आदब नै पूर्व आएका मुल बंश हुन् भन्ने पनि भनाई छ । यसैले हंशराज र बंशराजका सन्ततिको विवरण तयार गर्न आवश्यक छ । यदि पूर्व बाट यसरी जोड्न सकिन्छ भने अन्य जिल्ला सँग पनि विशेषज्ञ बसी जोड्दै जान सकिन्छ । २०७५ साल देखि वेभ साइट तयार गरी सफ्टवेयर बनाई यो कार्यलाई निरन्तरता दिने जमर्को गरिएको हो । तर चिताए अनुसार प्रभावकारी भएन । यसैले राष्ट्रिय मञ्चलाई नामावली संकलन गरी भाद्र असोज भित्र समावेश गर्न आवश्यक भएकोले पुनः सफ्टवेयरमा नाम राख्न झापामा शुरु गरिएको छ । यसर्थ सम्पर्क गरेर नाम समावेश गर्न अनुरोध छ ।